(Aruba) De Veer & Sons N.V. no a wordo bendi

Den algun medio di comunicacion a sali publica cu De Veer & Sons N.V. lo a worde bendi. E informacion aki no ta corecto ya cu e compania no a worde bendi. Ambos accionista ta biba na Aruba y ta maneha e compania.
De Veer & Sons ta un compania netamente Arubiano, un compania fuerte, creciendo y cu liñanan di renombre grandi manera Pepsi, Seven-Up, Gatorade, Presidente, Cadbury, Adams, Quaker, Toblerone, Milka y mucho mas. De Veer & Sons NV semper ta buscando forma nobo con pa traha strategicamente cu otro companianan Arubiano caminda por complementa otro y brinda mihor servicio na nos clientenan. Esey no ta nifica cu nos compania a worde bendi.

Como doñonan di un compania orguyoso y cu actividadnan comercial na Aruba pa mas cu 50 anja, nos ta pidi esnan cu a circula e noticia eroneo aki pa please corigi esaki.

FUENTE: http://www.24ora.com/local-mainmenu-5/35660-de-veer-a-sons-nv.html