Angie Stone, Candy Dulfer y Eddie Palmieri ta yega Aruba awe

ORANJESTAD (AAN): Cu hopi expectativa aki na Aruba y Caribe awe diahuebs mayoria di e artistanan di e di cinco Caribbean Sea Jazz Festival ta yega Aruba. Diabierna dia 7 di October lo ta e prome anochi di concierto y Diasabra dia 8 di October e di dos. Pa e motibo aki artistanan grandi manera Angie Stone y Eddie Palmieri cu lo presenta diabierna ta yegando Aruba awe diahuebs. Candy Dulfer kende lo presenta Diasabra anochi tambe lo ta yegando Aruba awe.
Durante atardi e artistanan lo topa cu prensa di Aruba durante un conferencia di prensa.
E artistanan mes ta hopi contento di por ta na Aruba y forma parti di un festival cu tur aña ta crece. E Caribbean Sea Jazz Festival na comienso di e siman aki mester a haci varios cambio logistico pa asina por acomoda e cantidad grandi di hende cu lo ta atendiendo ambos anochi. Te na e momentonan aki no por menciona cu tin un anochi cu ta hayando mas atencion mirando cu ambos anochi lo tin artistanan di taya.

Tur anochi e porta di Cas di Cultura Plaza ta habri pa 6 or di anochi y ja pa 7 or di anochi e prome tononan musical lo zona riba tur tres escenario.
Diabierna anochi lo tey Angie Stone, Eddie Palmieri, Tango Extremo y nos bandanan local. Diasabra anochi lo tey Candy Dulfer, Raul Midon & Richard Bona, Cosy Cotton y nos bandanan di Aruba.

FUENTE: http://www.diario.aw